Udaleku itxiak
Aisialdiko esparrua oso garrantzitsua da ekintzak lagunartean eta gozatzen duten bitartean garatzen direlako. Presiorik gabe, konfiantza giroan eta alai aritzen dira haurrak kantuan, jolasean, kirolean, sukaldean..., hortaz, aukera ezin hobea da balioak zeharkatzeko, ohitura osasuntsuak bultzatzeko, euskararen erabilerarako eta oro har haurren garapenerako.
Helburuak:
Haurrei aisialdian euskararen erabilera sustatzeko jarduerak eskaintzea.
Haurren garapen osoa sustatzea.
Bazterketarik gabeko balioak eta jarrerak garatzea.
Parte-hartze aktiboa eta iniziatibaduna bultzatzea.
Ingurumen hezkuntzarekin lotutako jarrera positiboak sustatzea.
Kirol eta jolas kooperatiboa bultzatzea.
